مطلوب سائق لمحل تهامي العطار

تفاصيل الوظيفة

مطلوب سائق وذالك للعمل بمحل تهامي العطار
امام محطه ترام فلمنج بالاسكندريه
مواعيد العمل من 11 ص الي 11 م المرتب 2500 جنيه
الاجازه تخصم من الاجر
يعني اليوميه اللي تحضرها بتكون ب 83 ج ..
القبض كل يوم خميس ..
تقدر تاخد يوم اجازه في الاسبوع بالتنسق مع الحاج او الحاجه
ممكن يعدي 3 او اربع ايام و ممكن اسبوع مفيش احتياج للعربيه ..
فا الشغل بيكون مش سواق بس لكن بتساعد الناس في المحل
سواء بيع او نظافه
فا مش عايز حد صحته تعبانه لكن عايز واحد مصحح يعرف يشيل و يحط اذا لزم الامر
السن لا يزيد عن 30 عام و لو اكبر تكون عندك القدره الجسمانيه ..
لان في شوله بتكون 50 كيلو بتحطها في العربيه و تنزلها منها ..
بس مش كل يوم يعني ..
العربيه نص نقل صندوق و عربيه ملاكي
طبيعه الشغل مش توزيع لكن لقضاء مستلزمات المحل سواء بتجيب بضاعه او بتودي بضاعه
الموافق علي الشغل و جاي معاه يروح المحل يقابل الحاجه والده محمد التهامي صاحب المحل قاعده كل يوم في المحل من 11 الصبح لحد 11 بليل
عدا الجمعه بيكون الحاج محمد قاعد من الصبح لبليل ..
المحل بيفتح كل يوم من 11 الصبح لحد 11 بليل ..
لو عندك اي استفسار كلمني علي الواتس او الموبايل علي(…)
وتعمل حسابك ان الحاج عصبي و اعصابه تعبانه دايما فا تستحمل الشغل و تستحمله عشان الايام تعدي …
بس لو طلعت تمام ورضي عنك ممكن يعملك مكافئات او يزودلك الراتب و تبقي اليوميه 100 ج و اكتر من كده مفيش …
السفر لو في سفر بيديلك 50 ج زياده في اليوم اللي بتسافر فيه …
انا قلت كل اللي عندي عشان زهقت من موضوع البحث عن الموظفين …
اللي عنده اي تعليق سلبي يا ريت ميبعتليش انا
لاني عبد المامور
دي ظروف الشغله بكل صراحه ..
الاوراق المطلوبه
صوره البطاقه و الرخصه و ايصال مرافق لاثبات السكن
لو عندك اي استفسار ممكن تكلمني
انا اسلام بهجت مدير الفروع الاتصال علي الواتس او الهاتف

سجل سيرتك الذاتية

انشىء سيرتك الذاتية بموقع بيت

بيانات الاتصال

هام جدا: برجاء توخى الحذر من اعلانات النصب والاحتيال , الوظائف الحقيقيه لاتحتاج دفع اى رسوم او اموال عند التقدم لها. موقع وظائف العرب غير مسئول عن مثل هذة الاعلانات لذلك نرجو الابلاغ عن الوظائف الوهميه ليتم حذفها فورا